unnke ek jaan-nisaar ham bhi hain
hain jahan sau-hazar ham bhi hain
tum bhi bechaiin ham bhi hain bechaiin
tum bhi ho beqarar ham bhi hain
ae falaq keh toh kya irada hai
aish ke khvastgaar ham bhi hain
shehr khaali kiye dukan kaisi
ek hi vaada-khvaar ham bhi hain
sharm samajhe tere tagaful ko
wah ! kya hoshiyar ham bhi hain
tum agar apni khu ke ho maashuq
apne matalab ke yaar ham bh hain
jis ne chaha phansa liya hamko
dil-baron ke shikar ham bhi hain
kaun sa dil hai jis mein 'daag' nahin
ishq ki yaadgaar ham bhi hain
No comments:
Post a Comment