dastuur ibadat ka duniya se nirala ho
ik haath mein mala ho ik haath mein pyala ho
puujenge saliiqe se andaaz magar apna
ho yaad-e-khuda dil mein saaqi ne sambhala ho
masti bhi taqaddus bhi ek saath chale dono
ik simt ho maikhana ik simt shivala ho
masjid kii taraf se tu jaana na kabhi saaqi
zaahid bhi kabhi tera na chahnewala ho
vo duub ke marr jaayen madira ki surahi mein
mashooq ne gar dil ki mehfil se nikala ho
No comments:
Post a Comment