har haqiiqat mazaaj ho jaaye
kaafiron ki namaaz ho jaaye
dil rahiin-e-niyaz ho jaaye
bekasi kaarsaaz[safal] ho jaaye
minat-e-chara_saaz kaun kare
dard jab ja_nawaz ho jaaye
ishq dil mein rahe toh ruswa ho
lab pea aye toh raaz ho jaaye
lutf ka intzaar karta hun
zaur[atiyachar] ta_hadh-e-naaz ho jaaye
umar-be_sood kat rahi hai ‘faiz’
kaash afsha-e-raaz ho jaaye
No comments:
Post a Comment