uss se milne ko kabhi hum jo machal jaate hain
toh khayalon mein bohat door nikal jaate hain
gar waffaon mein sadapat bhi ho shiddat bhi
phir toh ehsas se pathar bhi pighal jaate hain
usski ankhon ke nashe mein hun jab se doobe
ladkhadate hain qadam aur sambhal jaate hain
bewaffai ka mujhe jab bhi khayal aata hai
ashq rukhsar pe aankhon se phisal jaate hain
pyar mein ek hi mausham hai baharon ka 'faraz'
log mausam ki tarah kaise badal jaate hain
No comments:
Post a Comment