barbaad tamanna pe ataab aur zyada
haan meri mohbbat ka jawab aur zyada
roye na abhi ahal-e-nazar haal pe mere
honaahai abhi mujhko Kharab aur zyada
awara-va-majanu hi pe maukuuf nahin kuch
milane hain abhi mujhko Khitaab aur zyada
uthenge abhi aur bhi tuufan mere dil se
dekhunga abhii ishq ke khwab aur zyada
tapakega lahu aur mere diida-e-tar se
dhadkega dil-e-khana_kharab aur zyada
ae mutrib-e-bebaak koi aur bhi nagma
ae saqi-e-fayyaz sharab aur zyada
No comments:
Post a Comment