sara aalam gosh bar aawaz hai
aaj kin haathon mein dil ka saaz hai
haan zara zurrat dikha ai jazb-e-dil
husn ko parde pe apne naaz hai
kam_nashin dil ki haqiqat kya kahun
soz mein duba hua ik saaz hai
aap ki makhmuur aankhon ki qasam
meri maikhvari abhi tak raaz hai
hans diye vo mere rone par magar
unnke hans dene mein bhi ek raaz hai
chhup gaye vo saaz-e-hastii chhed kar
ab toh bas awaz hi awaa hai
husn ko naahaq pasheman kar diyaa
ae januun ye bhi koi andaz hai
sari mehfil jis pe jhum utthi 'majaz'
vo toh aawaz-e-shikast-e-saaz hai
No comments:
Post a Comment