Sunday, June 14, 2009

unknown

phir kisi yaad ne shab bhar hai jagaya mujhko
kya saza di hai mohbbat ne khudaya mujhko
din ko aaram hai na raat ko hai chaiin kabhi
jane kis khaak se qudrat ne banaya mujhko
dukh toh yeh hai ke zamane mein mile gaiir sabhi
jo mila hai woh mila ban ke paraya mujhko
jab koi bhi na raha kandha mere rone ko
ghar ki diwaron ne seene se lagaya mujhko
yun toh umiid-e-waffa tumse nahin hai koi
phir charagon ki tarah kis ne jalaya mujhko
bewaffa zindagi ne jab chod diya hai tanha
maut ne pyar se pehlu mein bithaya mujhko
woh diya hun jo mohbbat ne jalaya tha kabhi
gham ki andhi ne sar-e-sham bujhaya mujhko
kaise bhulonga wohi wasl ke lamhe
yaad aata raha zulfon ka hi saaya mujhko

No comments:

Post a Comment

wel come