din saleeqe se uga, raat thikane se rahi
dosti apni bhi kuch roz zamane se rahi
chand lamhon ko hi banti hain musav'vir ankhein
zindagi roz tu tasweer banane se rahi
iss andhere mein toh thokar hi ujala degi
raat jangal main koi shamma jalane se rahi
fasla chand bana deta hai har pathar ko
duur ki roshni nazdeek toh aane se rahi
shehr mein sab ko kahan milti hai rone ki fursat
apni izzat bhi yahan hasne hasane se rahi
No comments:
Post a Comment