ye mere liye tu azaab hai
mujhe bakhsh de
ae mere khuda
ya azaab jaan jo hai sookhta
maine mana mujhse khata hui
mujhe zindagi jo ataa hui
isse maine apne hi haath se
usse ganwa diya ke hui fana
meri zaat
zarra'e be nishan
ae khuda
mujhe aisa koi suraag de
ke tera nishan pa sakun
mujhe koi aisi raah sujha
ke mein khud ko raah pe la sakun
meri tishna ruuh ko qarar de
meri bigdi duniya sanwaar de
mere malik itni saza bohat
mujhe kuch khushi toh udhar de
No comments:
Post a Comment