abhi woh dard baqi hai
agarche waqt marham hai
magar kuch waqt lagta hai
kisi ko bhool jaane mein
dobara dil basane mein
abhi kuch waqt lagna hai
abhi woh dard baqi hai
main kaise nayi ulfat mein
apni zaat ko gum kar dun
ke mere jism-o-wajdaan mein
abhi woh fard baqi hai
abhi uss shakhs ki mujh par
nigah-e-sard baqi hai
abhi toh ishq ke raston ki
mujh par gard baqi hai
abhi woh dard baqi hai.....
sach...!
abhi woh dard baqi hai.....
No comments:
Post a Comment