apne pahaar ghairon ke gulzaar ho gaye
ye bhi hamari raah ki deewaar ho gaye
phal pak chuka hai shaakh pe garmi ki dhoop mein
hum apne dil ki aag mein tayyar ho gaye
hum pahle narm patton ki ek shakh thay magar
kaate gaye hain itne ke talwaar ho gaye
bazaar me biki hui cheezon ki maang hai
hum iss liye khud apne kharidaar ho gaye
taza lahu bhara tha sunahre gulaab mein
inkaar karne wale gunahgaar ho gaye
woh sarkashon ke paaon ki zanjeer thay kabhi
ab buzdilon ke haath mein talwaar ho gaye
No comments:
Post a Comment