mohabbat soz bhi hai saaz bhi hai
khamoshi bhi hai aawaz bhi hai
nasheman ke liye betaab taa_iir[bird]
vahan pabandii-e-parwaaz bhi hai
khamoshi pe bharosa karne waalo
khamoshi gham ka gammaz[symbol] bhi hai
meri khamoshi-e-dil par na jaao
ki iss mein ruuh ki aawaz bhi hai
dil-e-begana-khuu, duniya mein tera
koi hamdam koi hamraaz bhi hai
hai meraaj-e-khirad[height of inteliigence] bhi arsh-e-aziim[highest (seventh) sky]
junoon ka farsh-e-paa andaaz bhi hai
No comments:
Post a Comment