har mulakaat mein ik baat nazar aati hai
surate-tarke-mulakaat nazar aati hai
ye azab marhala-e-umar hai ya rab ki mujhe
har buri baat buri baat nazar aati hai
nazar aati hai kisi dost ki surat jo kahin
ek fehriste-inayaat nazar aati hai
zindgi mein toh koi cheez anokhi na rahi
maut hi ek nayi baat nazar aati hai
tere utare huye chehre par bhi yaaron ko ‘hafeez’
surkhi-e-harf-o-hikayat[stories] nazar aati hai
No comments:
Post a Comment