hawa mein dhoondh rahi hai koi sada mujhko
pukaarta hai pahadon ka silsila mujhko
main aasman-o-zameen ki hadhen mila deta
koi sitara agar jhuk ke chumta mujhko
chipak gaye mere talvon se phuul sheeshe ke
zamana khench raha tha parhana paa mujhko
vo shahsawar bada raham dil tha mere liye
barha ke naiza zameen se utha liya mujhko
makan, khet shabhi aag ki lapet mein thay
sunehri ghaas mein uss ne chupa diya mujhko
tu ek haath mein le aag ek mein pani
tamaam raat hawa mein jala bhujh mujhko
bas ek raat mein sar sabz yeh zameen huyi
mere khuda ne kahan tak bicha diya mujhko
No comments:
Post a Comment