hazar dost mere, wajah-e-malal puchenge
sabab toh sirf tumhi ho, main kya kahunga tumhen
meri pasand, mere naam par na harf aaye
bohat haseen, bohat bewaffa kahunga tumhen
abhi se zehan mein rakhna nazaakaten meri
ke har nigah-e-karam par khaffa kahunga tumhen
qasam sharafat-e-fun ki keh ab ghazal mein kabhi
tumhara naam na lunga, saba kahunga tumhen
No comments:
Post a Comment