khushbu ki tarah aaya vo tez hawaon mein
manga tha jise humne din raat duaaon mein
tum chhat pe nahi aaye main ghar se nahi nikla
yeh chand bohat bhatka hai sawan ki ghataaon mein
iss shehr mein ik ladki bilkul hai ghazal jaisi
bijli si ghataon mein khusbhu ki hawaon mein
mausham ka ishara hai khush rehne do bachon ko
mausham mohabbat hai phoolon ki khataon mein
hamchand sitaron ki raahon ke musaafir hain
har raat chamkte hain tareek khilaon mein
bhagwan hi bhejenge chawal se bhari thaalo
masoom parindon ke masoom pehlun mein
dada bade bhole thay sab se yeh hi kehte thay
kuch zehar bhi hota hai angrezi dawaon mein
No comments:
Post a Comment