kis des mein yeh qaafla-e-waqt ruka hai
aariz ke ujaale hain na zulfon ki ghata hai
kuch meri Nigaahon ke tale dhund bohat hai
kuch jashn-e-chiraghan se andhera bhi barha hai
maine teri baaton ko kabhi jhooth kaha tha
iss zurm pe har jhooth ko sach maan liya hai
aye shokh ghazaalo !! yahan do phool toh rakh do
iss qabar mein khaabeeda mohababt ka khuda hai
kuch dair mein saalon ki yeh aahat na milegi
dil raat ke sannaton mein yun duub raha hai
No comments:
Post a Comment