Monday, July 6, 2009

meer taqi meer ki shayyiri

aa jaayen ham nazar jo koi dam bahut hai yaan
mohalat basaan-e-barq-o-sharaar kam bahut hai yaan
yak lahazaa seena kobhi se furasat hamen nahin
yaani ki dil ke jaane ka maatam bahut hai yaan
ham raharavaan-e-raah-e-fanaa der reh chuke
vaqfaa basaan-e-subah koi dam bahut hai yaan
haasil hai kya sivaaye tarai ke dahar mein
uth aasmaan tale se ke shabanam bahut hai yaan
iss buutakade mein maani ka kis se karen sawaal
aadam nahin suurat-e-adam bahur hai yaan
ajaaz-e-isavii se nahin bahas ishq mein
teri hi baat jaan-e-mujassim bahut hai yaan
mere hilaak karane kaa gham hai abas tumhen
tum shaad zindagani karo gham bahut hai yaan
shayad ke kaam subah tak apana khinche na 'meer'
ahavaal aaj shaam se daraham bahut hai yaan

No comments:

Post a Comment

wel come