Monday, July 6, 2009

meer taqi meer ki shayyiri

mehar ki tujhse tavaqqo thi sitamagar nikla
maum samjhe thay tere dil ko so pathar nikla
daag hun rashk-e-mohabbat se ke itna betaab
kiski taskeen ke liye ghar se tu bahar nikla
jeete jii aah tere kuuche se koi na phira
jo sitamdiida raha jake so marr kar nikla
dil ki aabadi ki iss hadh hai kharabi ke na puuch
jaana jaata hai ki iss raah se lashkar nikla
ashq-e-tar, qatara-e-khoon, lakht-e-jigar, paara-e-dil
ek se ek aduu aankh se bahtar nikla
hamne jaana tha likhega tu koi harf ae 'meer'
par tera naama toh ek shauq ka daftar nikla

No comments:

Post a Comment

wel come