Monday, July 6, 2009

meer taqi meer ki shayyiri

manind-e-shamma majalis-e-shab ashqbaar paaya
al qissa[briefly] 'meer ko hamne beikhtiyaar paaya
shahr-e-dil ek muddat ujada basa ghamon mein
aakhir ujad dena usska qaraar paaya
itna na dil se milte na dil ko kho ke rehte
jaisa kiya tha hamne vaisa hi yaar paaya
kya aitbaar yaan ka phir ussko khvaar dekha
jisne jahan mein aa kar kuch aitbaar paaya
aahon ke shole jis jaan uthe hain 'meer' se shab
vaan ja ke subah dekha musht-e-gubaar paaya

No comments:

Post a Comment

wel come