ek chand tanha khada raha
mere asmaan se zara prey
mere sath sath safar mein tha
meri manzilon se zara prey
teri justju ke hisaar se
tere khwab tere khayal se
main vo shaks tha jo khada raha
teri chahton se zara prey
kabhi dil ki baat kahi na thi
jo kahi toh vo bbi dabi dabi
mere lafz poore toh thay magar
teri sma'aton se zara prey
tu chala gaya mere humsafar
zara dekh mud ke toh ik nazar
meri kashtiyan hain jali hui
tere sahilon se zara prey
No comments:
Post a Comment