zakhm yun muskura ke khilte hain
jaise wo dil ko chuu ke guzre hain
dard ka chand aanshon ke najoom
dil ke aangan mein aaj utre hain
raakh ke dher jaise sard makaa'n
chand inn badliyon mein rehte hain
aaiinon ka koi qasoor nahi
inn mein apne hi aks hote hain
ghaur se dekh khaak tanha nahi
saath phoolon ke rang udte hain
ab shab-e-hij'r bhi nahi aati
inn dinon hum bohat akele hain
inn se ahwaal-e-shab suno saahib
badar jee raat raat ghoome hain
No comments:
Post a Comment