mujhe ek baat kehni thi, tumhen itna batana tha
ke meri zindgi ho tum, tumhen hi sochta hun main
bohat masroof rehta hun, bohat se kaam hai mujhko
magar tumse nahi gaafil, tumhen hi sochta hun main
bohat se log milte thay, magar jabse tumhen dekha
na jaane kya hua mujhko, tumhen hi sochta hun main
mujhe auron se kya lena, mera logon se kya rishta
meri duniya ho tum hi tum, tumhen hi sochta hun main
nighahon mein basi ho tum, khayalon mein shamil ho
sukoon-e-dil ho tum mera, tumhen hi sochta hun main
bohat mushkil hai ye jeena, tumhare bin mera rehna
ke meri saans mein ho tum, tumhen hi sochta hun main
kabhi tanhai mein beitho, agar tanhai mein tum ho
toh itna yaad kar lena, tumhen hi sochta hun main