teri koshish teri tadbeer hona chahta hoon
main tere hath ki tahreer hona chahta hoon
tu mere paas aaye aur palat ke na jaaye
main tere paaon ki zanjeer hona chahta hoon
mujhe adat nahi ab doosron ke mashvaron ki
main khud bhi sahib-e-tadbeer hona chahta hoon
azal se khawab ban kar teri aankhon main raha hoon
ab main sharminda-e-tabeer hona chahta hoon
main iss liye masmaar khud ko kar raha hoon
ke tere hath se tameer hona chahta hoon.........
No comments:
Post a Comment