jab bhi chahe ek na surat bana lete hain log
ek chehre par kai chehre saja lete hain log
mil bhi lete hain gale se apne matlab ke liye
aa pade mushkil toh nazrein bhi chura lete hain log
hai baja unnki shikaayat lekin iss ka kya ilaaj
bijliyan khud apne gulshan par gira lete hain log
ho khushi bhi unnko haasil ye zaruuri toh nahin
gam chhupaane ke liye bhi muskura lete hain log
ye bhi dekha hai ki jab aa jaaye gairat ka muqaam
apni suuli apne khandhe par utha lete hain log
No comments:
Post a Comment