ye kya ke sab se bayaan dil ki haalaten karni
'faraz' tujhko na aayi muhabaten karni
ye qurb kya hai ke tu saamne hai aur hamen
shumaar abhi se judai ki say'aten karni
koi khuda ho ke ho patthar ... jise bhi hum chahen
tamaam umr ussi ki ibaadaten karni
sab apne apne qariine se muntazir uss ke
kisi ko shukr kisi ko shikaayaten karni
hum apne dil se hain majboor aur logon ko
zara si baat pe barpa qayamaten karni
milen jab unnse toh mubaham si guftaguu karna
phir apne aap se sau-sau vazaahaten karni
ye log kaise magar dushmani nibhaaten hain
hamin ko raas na aayi muhabaten karni
kabhi 'faraz' naaye mausom mein roa dena
kabhi talaash purani raqabaten karni
No comments:
Post a Comment