main iss ummid pe dooba ki tu bacha lega
ab iss ke baad tu mera imtihaan kya lega
ye ek mela hai vaada kisi se kya lega
dhalega din toh harek apna raasta lega
main bhujh gaya toh hamesha ko bhujh hi jaonga
koi charaag nahi hun jo phir jalaa lega
kaleja chahiye ... dushman se dushmani ke liye
jo be_amal hai vo badla kissi se kya lega
hazaar tod ke aa jaaon uss se rishta "waseem"
main jaanta hun vo jab chahega bula lega
No comments:
Post a Comment