chhupaye dil mein ghamon ka jahan baithe hain
tumhari bazm mein ham bezaban baithe hain
ye aur baat ki manzil pe ham pahunch na sake
magar ye kam hai ki raahon ko chhan baithe hain
fugaan hai dard hai soz-o-firaaq-o-daag-e-alam
abhi toh ghar mein bahut meharban baithe hai.n
ab aur gardish-e-taqadiir kya satayegi
luta ke ishq mein naam-o-nishan baithe hain
vo ek lafz-e-mohbbat hi dil ka dushman hai
jise shariat-e-ehsaas maan baithe hain
hai maikadon ki bahaaron se dosti 'sagar'
badhaae hadh-e-yaqiin-o-gumaan baithe hain
No comments:
Post a Comment