dil yun toh mera gham se pareshan bohat hai
samjhye na samjhega ke nadaan bohat hai
jis ne kabhi mujhse mera chaiin cheen liya tha
sunte hain ke woh shaks pasheman bohat hai
phir bhi yeh yaqeen hai ke woh aayega mere ghar
waise toh nahi aane ka bhi imkaan bohat hai
jis baat ka iss dil ko hamesha se yaqeen tha
dil phir bhi ussi baat pe hairan bohat hai
zalim se koi keh de zara teer-e-sitam aur
mazloom je seene mein abhi jaan bohat hai
aaya hai mujhe dekh ke uss lab pe tabssum
mere liye jeena ka ye samaan bohat hai
usski ye tamanna ke mita de meri hasti
aur mujhko bhi mit jaane ka armaan bohat hai
nemat hai gham-e-ishq magar 'dil sun ko
iss kaam mein rusvai ka imkaan bohat hai
No comments:
Post a Comment