mere khwabon ke gulshan mein khizaien raqs karti hain
mere honton ki larzish mein waffaein raqs karti hain
mujhe vo laakh tadpaye magar uss shaks ki khatir
mere dil ke andheron mein duayen raqs karti hain
usse kehna ke laut aaye sulagti shaam se pehle
kisi ki khushk aankhon mein duaein raqs karti hain
nikalta hai pari chehra kabhi jab raat ko yaaro
andhere toot jaate hain ziyaein raqs karti hain
utarta hun kabhi jab main kitabon ke samandar mein
kisi ki khwabida chehre ki adayein raqs karti hain
khuda jaane kashish kaisi hai usski yaadon mein
main usska zikr chhedun toh hawaein raqs karti hain
No comments:
Post a Comment