unknown

chehare pe mere zulf ko phailao kisi din
kya roz garajte ho baras jao kisi din
raazon ki tarah utaro mere dil mein kisi shab
dastak pe mere haath ki khul jao kisi din
pedon ki tarah husn ki baarish mein naha lun
badal ki tarah jhum ke ghiir aao kisi din
Khushbu ki tarah guzaro mere dil ki gali se
phuulon ki tarah mujhpe bikhar jao kisi din
phir haath ko khairaat mile bandh-e-qaba ki
phir lutf-e-shab-e-vasl ko doharao kisi din
guzaren jo mere ghar se toh ruk jaayen sitare
iss tarah meri raat ko chamakao kisi din
main apni har ik saans usii raat ko de dun
sar rakh ke mere siine pe soa jao kisi din