Thursday, July 9, 2009

azra adil rashid ki shayyiri

ik tum ke dil mein dard kisi gaiir ke liye
ik ham ke dard ban gaye khud aap ke liye
ham apne aashiyane mein tere muntazir
tum tinke chun rahe thay kisi aur ke liye
ham jaante hain dil mein tumhare nahin hain ham
jo khat tumhari aankhon mein thay hamne padh liye
gham hai ke tune luut liya aitamaad ko
ik daag de diye hain hamen umr ke liye
qaatil ki iss ada pe bhi qurbaan jaaye
khud de ke zahar aankhon mein aansu bhi bhar liye
thi kaun si khata ke mili jis ki ye sazaa
hamne toh umr bhar tere nqash-e-qadam liye
‘azra’ ye maana bojh hai ab tujhpe zindgi
par zindgi toh teri nahin hai tere liye

No comments:

Post a Comment

wel come