diwana banana hai toh diwana bana de
varna kahin taqdeer tamasha na bana de
ae dekhne waalon mujhe hans hans ke na dekho
tumko bhi mohabbat kahin mujh sa na bana de
main dhuundh rahaa hun meri vo shamma kahan hai
jo bazm ki har chiiz ko parwana bana de
aakhir koi surat bhi toh ho khana-e-dil ki
kaaba nahin banta hai toh buut_khana bana de
‘behzad’ har ek jaam pe ek sajda-e-masti
har zarre ko sang-e-dar-e-jaanan na bana de
No comments:
Post a Comment