bohat hi yaad aata hai mere dil ko tadpata hai
woh tera paas na hona bohat mujhko rulata hai
woh mera teri aankhon ke samandar main utar jaana
aur teri muskurhat ke bhanwar mein duubte jaana
teri awaaz ke sahar se na nikal paana
tujhko dekhna aur bekhudi se dekhte jaana
bohat chaha inn guzre huye lamhon ko na sochun
na teri yaad mein reh ke tere saath ka sochun
bhula dun saari yaadon ko ke jinse dil tadapta hai
ke jin se tees utth’ti hai ke jinse dard hota hai
magar jab raat aati hai toh teri yaad aati hai
tere hi khwab hote hain teri hi baat hoti hai
toh tai paaya ab mumkin nahi tujhko bhula dena
teri yaad mein rehna tujhe hi sochte rehna
tujhe jab yaad karte hain toh dil apna tadapta hai
woh tera paas na hona bohat mehsoos hota hai
No comments:
Post a Comment