har din hai mohabbat ka har raat mohabbat ki
hum ehl-e-mohabbat mein har baat mohabbat ki
hum dard ke maaron ka itna sa hawala hai
tanhai hai gaheri apna aur zaat mohabbat ki
seene mein uterte hain ilhaam mohabbat ke
aankhon se brasti hai barsaat mohabbat ki
unn khaak nasheeno se raunq hai zamane mein
jo baant’te phirte hain khairaat mohabbat ki
daulat ke khudaon ne dekhi hi nahi ‘shaid’
daaman main ghareebon ke bohtaat mohabbat ki
har roop mein hoti hai imaan behar surat
kya jeet mohabbat ki kya maat mohabbat ki...!
No comments:
Post a Comment