dard sahna wa ranj-o gham karna
mashghala ab hai aankh num karna
bekhudi mein bhi lab pe tera naam
baat teri hi aaye sanam karna
husn walon ke zimme kaam yahi
zulm dhana, faqat sitam karna
khush hoon tabiyat bashaash hai meri
qat-taii tum na mera gham karna
bas dua karna mere haq mein zaroor
baad marne ke na maatam karna
sar katana hamen raha manzoor
hum ko aaya na sar ko kham karna
dili sokoon mayassar ho 'seraj'
mujh pe malik mere karam karna
No comments:
Post a Comment