bahare-hasti[jiwan sagar] ko bekaraani[bechani] de
naqshe-awwal hun, naqshe-saani de
de hamen raat ratjagon wali
zindgi de toh zindgani de
chaak bhi kar zamiir ki zulmat[andhera]
phir hamen noor-e-qehqashani[ishwari parkash] de
munharif[vimukh] ho rahe hain sab tujhse
apne hone ki phir nishani de
ab payambar kahan hai paas tere
ab ki paigham tu zabani de
apne bachchon ko kya sunaonga
koi qissa, koi kahani de
No comments:
Post a Comment