teri guftgu mein hai jo chaashni jo tere labon mein halaavatein
na suroor vo fasl-e-bahar mein na gulon mein lataafatein
kahan reh gayin teri nighahtein vo saba kidhar ko nikal gayi
teri aahaton ko taras gayin mere zism-o-jaan ki samaatein
tere ang-ang amin loch hai mere dil ke soz-e-gadaaz ka
mere khoon-e-dil se raqam hui tere rang-o-buu ki hikayatein
meri chashm-e-gham dil-e-muzatarib gham-e-aarzu gham-e-justju
liye phir raha hun nagar nagar kisi meharbaan ki amanatein
No comments:
Post a Comment