mere peeche zamana pad gaya toh
kahin sab se nibhana pad gaya toh ?
jahan ik baar pagdi gir chuki hai
ussi mehfil mein jana pad gaya toh ?
jise luta tha sau haathon se humne
khazana vo lutana pad gaya toh ?
hamen hasne ki aadat hai ghamon mein
khushi mein muskurana pad gaya toh ?
dubone mein lage ho dusron ko
kabhi khud ko bachana pad gaya toh ?
jise tum bhool jana chahte ho
usse sachmuch bhulana pad gaya toh ?
na itna naaz kijiye dosti par
kisi din aazmana pad gaya toh ?
zara si aur paane ki hawas mein
kahin sab kuch ganwana pad gaya toh ?
No comments:
Post a Comment