hamsafar teri berukhi, dil-e-mubtala ki shikast hai
isse kis tarha main kahu fateh, ye meri anna ki shikast hai
tu chala gaya mujhe chod ke maine phir bhi tujhko sadaaein di
mere hamsafar tu ruka nahi ye meri sada ki shikast hai
tujhe la ke dil mein bitha diya, tujhe raaz har ik bata diya
tune phir bhi koi wafa na ki, ye meri waffa ki shikast hai
main chirag-e-khuna mizaaj thatujhe bijliyon ki talab rahi
mujhe aandhiyon ne bhujha diya, ye meri ziya ki shikast hai
mujhe iss tarah na sataoge mujhe zoam tha ke na aaoge
mera galat wehm-0-guman hi meri inteha ki shikast hai
mujhe koi tujhse gila nahi tu mila tha kab ke bichad gaya
mere zurm ki hai ye saza ye meri saza ki shikast hai
meri khamoshi ke biyan ko tu samjh ke bhi na samjh saka
mere aanson ke pyam hi dil-e-benawa ki shikast hai
gam-e-dastan-e-hayat ke sabhi tazkare huye rayegan
mere chargar tera ye hunar meri har dua ki shikast hai
mujhe razmagah-e-hayat mein yun kabhi na koi gira saka
teri khamoshi ki pukar hi meri ibteda ki shikast hai
meri jaan khamosh reh bhala zor kiska hawaon par
ke jahan bhi ruk ye badal gaye wahin na_khuda ki shikast hai
mere hamsafar teri berukhi, dil-e-mubtala ki shikast hai