khuub pehchaan lo asrar hun main
jins-e-ulfat ka talabgaar hun main
ishq hi ishq hai duniya meri
fitana-e-aql se bezaar hun main
chhedati hai jise mizaraab-e-alam
saaz-e-fitarat ka vahi taar hun main
aib jo haafiz-o-khayyam mein tha
haan kuchh iss ka bhi gunahgaar hun main
zindgi kya hai gunah-e-aadam
zindgi hai toh gunahgaar hun main
meri baaton mein masiihaai hai
log kahate hain ki biimaar hun main
ek lapakta hua sholaa hun main
ek chalti hui talavaar hun main
No comments:
Post a Comment