mila jo teri mohbbat mein woh gham seh na sake
duur reh ke bhi tujhse duur magar reh na sake
hum apne gham ki kahani sunane aaye thay
suni jo teri kahani toh apni keh na sake
tumhare pyar mein marna toh bohat duur ki baat
tere ashkon ke samandar mein bhi hum beh na sake
dil ne chaha ke tumhen pyar ka izhar karun
zaban pe aayi hui baat magar keh na sake
tumhari bazm mein halaat hi kuch aise tai ke
na hum bol sake aur chup bhi reh na sake
No comments:
Post a Comment