dil mein ab yun tere bhuule huye gham aate hain
jaise bichhade huye kaabe mein sanam aate hain
ik ik kar ke huye jaate hain taare raushan
merii manzil kii taraf tere qadam aate hain
raqs-e-mai tez karo, saaz kii le tez karo
suu-e-maiKhaanaa safiiraan-e-haram aate hain
kuch hamin ko nahin ehasan uthaane ka dimag
vo to jab aate hain maail-ba-karam aate hain
aur kuch der na guzare shab-e-furqat se kaho
dil bhi kam dukhta hai vo yaad bhii kam aate hain
No comments:
Post a Comment