badh ke imkaan se nuqsaan uthaaye hue hain
hum mohbbat mein bohat naam kamaaye hue hain
mere maulla mujhe tabeer ki daulat de de
maine ek shaks ko kuch khawab dikhaaye hue hain
rehte hain dariya-e-mohbbat ke uss paar
waise iss paar bhi kuch kheme lagaaye hue hain
jis ko hansna hai vo hans le meri barbadi par
waise hum rone ka bhi maahol banaaye hue hain
kab hun itna hasiin yahi sochta hun dost
jis qadar log mujhe dekhne aaye hue hain
No comments:
Post a Comment