ik arzoo-e-dil ke jo nakaam bohat hai
dubi hui yaadon mein meri sham bohat hai
ab tere tasvuur se hi araam bohat hai
ae dost tere pyar ke nashe se hai dil chuur
hai aisi sharab ishq ke ik jaam bohat hai
gham aisa diya mujhko jo khushiyon pe hai bhaari
tera bhi karam gardish-e-ayyam bohat hai
bhoole se tere naam ko ruswa nahi karunga
ruswayian sehne ko mera naam bohat hai
ek aur shikast issko jo dena hai toh de do
dil waise bhi ranjiinda-o-nakaam bohat hai
kehte hain waffa kisko kisi ne bhi na jana
kehne ko muhbbat ka chalan aam bohat hai
le de ke yahi toh hai meri zeest ka haasil
ik aarzoo-e-dil ko jo nakaam bohat hai
No comments:
Post a Comment