jab kabhi koi lamha aisa dard de jaaye
ki koi bhi marham uss zakhm ko na bhar paaye
tum udaas mat hona
mehv-e-yaas mat hona
zindagi ke sab mausam ek se nahin hote
saare loag ae hamdam ek se nahin hote
zindagi ki rahon mein haadse bhi aate hain
saanihe bhi aate hain
saanihon se badh kar kuch waqie bhi aate hain
waqt hi ke marham se zakhm bhar bhi jaate hain
din burae hon ya achche bas guzar hi jaate hain
waqt ko guzarna hai
har zakhm ko bharna hai
dard ke chadhe dariya
ko abhi utarna hai
tum udaas mat hona
mehv-e-yaas mat hona ~!!
No comments:
Post a Comment