ye mashware baham uthe hain chara-juu karte
ab iss mariiz ko achchha tha qiblaaruu karte
kafan ko baandhe huye sar se aaye hain varna
ham aur aap se iss tarah guftagu karte
jawab hazarat-e-naaseh ko ham bhi kuch dete
jo guftgu ke tariiqe se guftgu karte
pahunch ke hashr ke maidan mein haul kyon hai 'aziz'
abhi toh pehali hi manzil hai justju karte
No comments:
Post a Comment