siyahiyon ke bane harf harf dhote hain
ye log raat mein kagaz kahan bhigote hain
kisi ki shah mein dehleez par diya na rakho
kivaad[door] suukhi hui lakadiyon ke hote hain
charag paani mein maujon se puuchhate honge
vo kaun log hain jo kashtiyan dubote hain
qadiim qasbon mein kya sukoon hota hai
thake thakaye hamare buzurg sote hain
chamakti hai kahin sadiyon mein aansuon ki zamin
gazal ke sher kahan roz roz hote hain
No comments:
Post a Comment