dil mein rakhta hai na palkon pe bithata hai mujhe
phir bhi ik shaks mein kya-kya nazar aata hai mujhe
raat ka waqt hai suraj hai mera rehnuma
der se, door se yeh kaun bulata hai mujhe
meri inn ankhon ko khwabon se pashemani hai
neend ke naam se jo haul-sa aata hai mujhe
tera munkir nahin ae waqt magar dekhta hai
bichade logon se kahan, kaise milaata hai mujhe
qisse-dard mein yeh baat kahan se aayi
main bohat hansta hun, jab koi sunaata hai mujhe
No comments:
Post a Comment