ik dua meri ba-asar kar de
shab ki mabood ab sahar kar de
lutf gairon pe hai tera ae dost
ek pal mujh pe bhi nazar kar de
de ke aab-e-hayaat deed mujhe
tishnagi meri mukhtsar kar de
dil mein jo aatish-e-mohbbat hai
ae khuda issko teztar kar de
umar usski daraaz ho ya rab !
aur meri umar mukhtsar kar de
koi baitha hai raah mein kab se
ae saba unnko yeh khabar kar de
aazmana hai 'aarzu' ko agar
aur purkhaar rah guzar kar de
No comments:
Post a Comment